十月到台灣是因為參加了舊同學舉辦的"相識N咁多週年台北大旅行".

 我同好友CC原定先到台中清境農場遊樂, 然後再到台北join返大隊一齊玩. 不過出發前新聞報導台中受颱風侵襲後又水浸又爛路, 情況不太樂觀. 但係買晒package, 點都要出發, 唯有準備定其他資料, 去到先算~ 

到達台中, 感覺同台北差好多. 台北感覺城市好多, 熱鬧好多..... 

 到酒店即刻問酒店服務生去南投嘅路況. 可惜原來去清境嘅巴士已停駛, 咁睇黎山上嘅情況真係幾差, 就算有車去都未必係好事. 咁唯有轉地方玩啦~

先搵個地方醫肚, 再慢慢商量下一站去邊度玩~

星星楊桃汁, 好味!

再來個冷麵, 普普通通....

好彩之前有睇新聞, 我一早準備左台南旅遊資料做後備, 在無選擇之下我地就決定第二朝南下去墾丁闖一闖! 我地選中一間靚靚民宿, 即刻打電話去訂房同埋安排車站接送~~~   

book好住宿, 終於鬆一口氣! 

之後就去夜市逛逛, 途中經過一間賣鳳梨酥嘅舖, 間舖好modern, d產品包裝都好精緻, 不過有d驚好睇唔好食, 所以最後都係無買~

夜市都幾熱鬧, 見到咁多檔仔就已經好開心! 樣樣都想買黎食呀!!!

入左個小商場, 發現一間甜品舖. 店長推介: 芒果千層冰, 好味呀!!!

另一個芋圓紅豆湯就.....無特別囉!

食飽飽返酒店拾行李, 準備出發去~~~墾丁!!!